Ei meira eg kenni longsul
orð og lag: Nicolina Jacobsen
Ei meira eg kenni longsul
mót ókendum mál og mið.
Ei meir kennist stovan sum fongsul,
tí nú kennir hjarta mítt frið.
Og alt tað, ið tyngdi hjartað.
tað hvarv tá ið eg hitti teg.
Tá vaknaði vónin hin bjarta,
og nú veit eg, tú elskar meg.
Ei meira eg siti og kúri
- hví skuldi eg eisini tað?
Ei meira eg gangi og stúri,
nú eri eg oftast glað.
Millumspæl
Og alt tað, ið tyngdi hjartað,
tað hvarv tá ið eg hitti teg.
Tá vaknaði vónin hin bjarta,
Og nú veit eg, tú elskar meg.
Ei meira eg siti og kúri,
- hví skuldi eg eisini tað?
Ei meira eg gangi og stúri,
:,: nú eri eg oftast glað :,: