Tónleikabólkurin Tey av Kamarinum

Hetta er heimasíðan um tónleikabólkin Tey av Kamarinum. Síðan er um virksemi bólksins og bakgrund teirra. Á síðuni eru sangir, útgávulisti, minnisbrot um Gogguna, dansistøð í Havn og um ættina á Kamarinum í gomlu Havnini
Vit hava lagt eitt nýtt yvirlit yvir allar útgávur út á hesa síðuna. Vit hava kanna gjølligari nær og hvar upptøkurnar eru framdar. Harumframt eru tær settar í rætta kronologiska skipan við viðkomandi upplýsingum. Eisini royna vit at tengja sangirnar til ljóðbrot, ið eru á youtube.
Í arbeiðinum at greina alt hetta, kom mangt nýtt fram, og tað eydnaðist at fáa nógv forvitnisligt við. Trýst á Útgávur, so sær tú yvirlitið.
Um ein ynskir at fáa atgongd til sangirnar, ið Tey av Kamarinum spældu, so er at leita inn á Sangir . Her eru yrkingar - nakrar við talsetingum, ið eru lættar at taka niður, syngja og spæla.

Tónleikaligir varðar

Tónleikabólkurin er ikki virkin meira, hóast onkur teirra framvegis spælir. Síðan er ætlað til teirra, ið vilja kunna seg meiri um hesar slóðbrótarar innan føroyskan tónleik, ið vóru við til at leggja lunnar undir skaldskap og tónleik - sprottin úr teirra jørðildi í Konradsbrekkuni í Havn.
Vit vóna, at síðan er til gleði fyri nógv.
Um tit sóknast eftir onkrum viðvíkjandi hesum evni, so eru tit vælkomin at seta tykkum í samband við okkum. Trýst her, so svara vit eftir førimuni

Tey av Kamarinum á alnótini

Nógv forvitnisligt um bólkin er á Facebook. Trýst á Tey av Kamarinum á Facebook, so kemur tú beint inná síðuna.

Um tú vil lurta eftir upptøkum og plátum hjá Teimum av Kamarinum, so hevur bólkurin sína egnu rás, har upprunaútgávur teirra eru at hoyra. Trýst á Tey av Kamarinum á Youtube. Har er hópin av tónleiki at lurta eftir